ACTIVIDADE DE AVALIACIÓN DO 3º TRIMESTRE

Bos días! J

Hoxe vouvos a propoñer a ÚNICA actividade deste terceiro trimestre que necesito que me enviedes para avaliarvos. Antes de todo, dicirvos que soamente o feito de enviala terá unha valoración positiva e só será tida en conta para subir a nota final.  

En que consiste? Pois trátase dun PROXECTO GLOBAL no que imos a traballar non soamente a música, senón tamén a lingua galega, os valores e a educación física.

A nosa canción Todo sairá ben será o eixe fundamental xa que teredes que aprendela cantando, bailando e/ou tocando e, a continuación,  explicareivos por cursos o que tedes que facer exactamente:

• 1º e 2º: gravarse cantando a canción e engadir algún xesto de expresión corporal que  acompañe mentres cantedes.

• 3º e 4º: gravarse cantando a canción e realizar unha coreografía sinxela. E sería perfecto se intentárades tocar coa frauta ou outro instrumento melódico que tiverades na casa algún fragmento curto da canción.

• 5º e 6º: gravarse cantando ou tocando coa frauta ou outro instrumento melódico a canción. Se se fai cantando tense que engadir unha coreografía.

*Se vos decidides pola frauta non aprendades a parte que aparece entre paréntese en vermello (ten o do#).

No caso de ter irmáns na casa podédesvos gravar xuntos e realizar a actividade de maneira conxunta.

ATENCIÓN! Vouvos a deixar o audio da parte instrumental da canción para que así poidades cantar e tocar a melodía coma se fora un karaoke.

• ASÍ SERÁ COMO TEREDES QUE GRAVARVOS : coa parte instrumental de fondo e cantando/tocando vós sobre esta base instrumental. 

Para aprender a canción recoméndase escoitala:

1º Enteira.

2º  Por seccións. Por exemplo:  primeira estrofa e repetir; logo segunda estrofa e repetir; despois ámbalas dúas xuntas; e así sucesivamente.

3º Coa canción orixinal e cantando/tocando á vez.

4º Só coa parte instrumental e cantando/tocando á vez.

Aquí tedes a letra da canción, a partitura, a canción mesma no videoclip e a parte instrumental:

TEDES ATA O DÍA 1 DE XUÑO PARA ENVIAR O VOSO VÍDEO!! Así que aínda tedes tempo para ensaiala e que vos saia perfecta ;)

Recordade que SÓ TERÁ VALORACIÓN POSITIVA así que animádevos a mellorar as vosas notas.

O VÍDEO TERÁ QUE SER EN HORIZONTAL e, por favor, cando o enviedes nomeade o vídeo co voso NOME E APELIDOS.

Cos vídeos enviados poderíamos facer un VIDEOCLIP para final de curso pero no que vos sexades os PROTAGONISTA ÚNICOS coa vosa voz e instrumentos. Se algún non quere saír nese videoclip final, por favor, que o indique cando envíe o seu vídeo.

Todos os vídeos e posible dúbidas acerca da actividade poderanse ENVIAR AO seguinte CORREO creado exclusivamente para a realización deste proxecto:

todosairabenvideo@gmail.com

Como seguramente o ARQUIVO PESE MOITO podedes utilizar GOOGLE DRIVE ou a plataforma WETRANSFER que é moi sinxela. Déixovos aquí o enlace por se non a coñecedes:

https://wetransfer.com/

Espero que vos guste a canción e desfrutedes moito aprendéndoa :)

Unha aperta!